Fiel na Su Profetanan

Dios semper a anhelá pa komuniká ku Su sernan kreá. Promé ku piká a drenta e mundu akí E tabata kana i papia ku Adam i Eva den e Hòfi di Eden. Despues di e kaida, esaki ya no tabata posibel mas, komo ku sernan humano kaí lo a ser konsumí pa Su presensia divino. Sinembargo, dor ku Dios no ke a bandoná nos, El a krea un otro manera pa duna Su mensahenan spesial di instrukshon, spièrtamentu, reprendementu, i amor pa Su pueblo—e don di profesia. E profetanan di Dios ta asina importante ku Beibel ta sigurá nos: “Seguramente Señor Dios no ta hasi nada, a ménos ku E revelá Su sekreto na Su sirbidónan e profetanan” (Amos 3:7). E tema pa e Siman di Orashon akí ta “Fiel na Su Profetanan”, i a lo largu di henter e siman nos lo konsiderá vários preguntanan importante tokante e don di profesia remarkabel akí, inkluyendo “Pakiko Dios a manda profetanan?” “Kiko a move profetanan pa hiba nan mensahenan?” “Kiko ta e karakterístikanan di un berdadero profeta?” “Kon nos mester interpretá e palabra profétiko?” i mas. Den e lekturanan diario Marcos i Claudia Blanco lo hiba nos na konsiderá e tópiko importante akí a traves di nan artíkulonan di reflekshon i inspirashon. Na final di e siman tin un sermon, “Un Profeta pa e Pueblo di Dios di Tempu di Fin”, ku ta presentá e eskritonan di Ellen G. White i su énfasis fuerte riba Beibel komo e úniko regla di fe i práktika. Mi ta enkurashá boso pa pone tempu un banda kada dia pa studia i hasi orashon durante e Siman di Orashon spesial akí. Mi ta sigur ku Señor lo bendishoná abundantemente segun ku nos ta bin huntu komo un famia di iglesia mundial, enfokando riba fieldat na Su profetanan den antisipashon di e pronto regreso di Kristu. Ted N.C. Wilson ta presidente di e Iglesia Atventista di e di Shete Dia mundial. Artíkulo- i komentarionan adishonal ta disponibel for di e ofisina di presidente riba Twitter: @pastortedwilson i riba Facebook: @Pastor Ted Wilson. Sabat 9 novèmber 2019 – Pakiko Dios a Manda Profetanan? Djadumingu 10 novèmber 2019 – Dios ke Manda un Mensahe pa Bo Djaluna 11 novèmber 2019 – Esnan proklamá pa Dios i Esnan ku ta proklamá nan mes Djamars 12 novèmber 2019 – Bo ta Lesando e Beibel na e Manera Korekto? Djarason 13 novèmber 2019 – Kitando Stòf for di e Lei i e Testimonio Djaweps 14 november 2019 – Profetanan Berdadero i Falsu, Bieu i Nobo Djabièrnè 15 novèmber 2019 – Pueblo di e Lus Mayó i e Lus Menor Sabat 16 novèmber 2019 – Un Profeta pa e Pueblo di Dios di Tempu di Fin Lektura pa Mucha