“Señor a instituí un plan pa medio di kua hopi di e studiantenan den nos skolnan por siña lèsnan práktiko nesesario pa por tin éksito den nan bida posterior” (Review and Herald, 4 yüni 1908). Riba invitashon di Union Karibe Hulandes, nos tabatin bishita di Pastor Adilson Morais, Direktor Asosiá di Ministerio di Publikashon di Divishon Sur Amérika. E idea ta pa implementá vários programa ku ta brinda tur hóben Atventista na Aruba, Bonaire i Curaçao e oportunidat pa studia na un skol Atventista, hasi obra mishonero, realisá un beka pa paga na estudio i gana eksperensia ku Dios pa bira lidernan efektivo den iglesia i den komunidat.
