Inter-Amérika Ta Kontinuá Ku Kurso Di Sertifikashon Pa Pastornan

Iglesia Atventista den Inter-Amérika ta riba un mishon pa alkansá kada unu di su mas di 3.8 mion miembronan envolví aktivamente den kompartimentu di e evangelio den nan komunidatnan, preparando pa e Segundo Binida. Pa por hasi esaki, pastor i laikonan mester ta prepará, organisá i komprometé pa traha huntu, e lidernan na kabes a bisa resientemente.

“Ta tempu pa nos buska e Spiritu Santu i puntr’E pa habitá mei mei di nos i pensa riba kosnan mas grandi pa Dios,”pastor Elie Henry a bisa, presidente di iglesia den Inter-Amérika durante un evento di kapasitashon online, riba 23 di òktober 2018. “No laga nos ta konfortabel hasiendo loke nos a hasi semper,” el a agregá.

“Esaki ta e momentu pa e hubentut, hóben adulto, hende muhé i mucha pa traha huntu ku e mesun pashon ku e iglesia ta pidiendo pa envolvimentu total di miembro pa hasi kosnan grandi,” pastor Henry a bisa. “Nos no ta papiando di múltiple aktividat, pero laga nos traha huntu pa asina haña un ministerio mas fuerte kaminda nos por ta sirbidónan di Señor i motivá nos miembronan pa sirbishi na Dios.”

Bo por komparti e artikulo

lodo sda church
UNION KARIBE HULANDES 
© 2018 Dutch Caribbean Union of Seventh Day Adventist