II Kumbre di Liderasgo

E aña aki atrobe Union Karibe Hulandes, den su afan pa forma lider pa sigui edifiká e reino di Dios na Aruba, Bonaire i Curaçao ta organisá un kumbre di liderazgo.

Inskripshon a habri pa bo inskribí pa e di dos Kumbre di Liderasgo: Iglesia Fuerte i Efektivo. E kumbre ta organisá pa e ofisina di Liderasgo di Union Karibe Hulandes, ku koperashon i sosten di tur e departamentunan di dicho union.

E aktividat aki ta spesialmente pa Pastornan; Ansianonan; Hóbennan; Direktornan di Ministerio di Hende Muhé; Direktornan di Komunikashon; Komunikadonan Sosial; Staf di Media; Produktornan di Programa di Radio i TV. Kualkier persona interesá den e tópikonan tambe por partisipá. Partisipashon ta kosta solamente bintisinku florin (ANG.25.=). Pa delegadonan di Aruba i Bonaire partisipashon ta gratis.

E kumbre ta kuminsa 18:30 riba djabièrnè dia 19 yüli ku presentashon plenario. Sabat 20 di yüli mainta di 9:30 te ku 12:30; atardi di 15:30 te ku 18:45. Djadumingu i Djaluna workshòp den grupo.

Tur hende mester registrá pa e workshòp di preferensia. Por skohe solamente un di e kuater workshòpnan. Pues pensa bon kua ministerio bo tin interes den dje pa hasi e eskoho korekto. Primi riba e lenk aki: https://www.surveymonkey.com/r/CVGS6G8 pa inskribí awe mes pa bo por partisipá. E último dia pa inskribí ta 10 di yüli 2019.

Bo por komparti e artikulo

Share on facebook
Share on twitter
Share on whatsapp
Share on email
lodo sda church
UNION KARIBE HULANDES 
© 2018 Dutch Caribbean Union of Seventh-day Adventists