Lanthuis Gaito

MTT2

Lanthùis Gaito ta un bibienda di e promé parti di siglo 19. Na aña 1834 Marten Douwens Teenstra ta menshoná e Lanthùis i su funshon den su buki. Ántes e tabata un rancho, un bibienda kaminda tabata kria bestia. Tabata un kombinashon di un bibienda ku aktividat ekonómiko te ku aña 1950 ainda.

Despues Barclays Bank a tum’é over (promé ku aña 1979). Riba un potrèt di 1981 por mira ku Barklays Bank tabata den e lanthùis ainda. Un momentu CITCO a hañ’é for di Barclays. Dia 22 ougùstùs 1988 Iglesia Atventista a trok’é pa un propiedat na Cornelisbergplein No. 7 (Nieuwestraat 25) ku CITCO Bank. E tempu ei for di Lanthùis Gaito Iglesia Atventista tabata sirbi e kongregashonnan i institushonnan na Aruba, Bonaire i Curaçao direktamente.

Lanthùis Gaito ta un monumento protehá inskribí dia 21 di febrüari 2005 den e registro di monumentonan protehá konforme artíkulo seis (6) di e Ordenansa di Monumentonan di Kòrsou (AB 1990 no 5).

Na yüni 2013 un kandela den e parti nortwèst di e edifisio a fòrsa evakuashon di e ofisina di iglesia Atventista pa Kòrsou i Bonaire for di e lanthùis. E asosiashon di iglesianan na Kòrsou i Bonaire tabatin plan pa bende e edifisio. Sinembargo, na yüni 2015 despues ku tabatin un restrukturashon di Iglesia Atventista na Aruba, Bonaire i Curaçao, nan a disidí di regalá e lanthùis na e Ofisina Regional ku ta karga e nòmber Union Karibe Hulandes. Despues di a renobá e lanthùis, e Ofisina Regional pa Aruba, Bonaire i Curaçao a okupá e lanthùis.

Union Karibe Hulandes ta un unidat miembro di Iglesia mundial di Atventistanan di shete dia i ta situá den e teritorio di Asosiashon General di Atventistanan di shete dia – Divishon Interamerikano. E ofisina di Union Karibe Hulandes ta situá na Landhuis Gaito, Scalaweg 7, Kòrsou. E union, esta, ofisina regional, ta kordiná e mishon di Iglesia Atventista denter di e teritorio di Aruba, Bonaire i Kòrsou, i ta operá vários institushon, ku ta inkluí institushonnan di edukashon, emisora radial, publikashon, salubridat i entidatnan filantrópiko ku ta realisá aspektonan spesial di e mishon di Iglesia Atventista di shete dia na e poblashon di e islanan. Na Kòrsou, nos ta sirbi bintinuebe (29) kongregashon, tres (3) skol di fundeshi, un hòspital na dos (2) lokalidat i un agensia pa desaroyo i alivio.

Lanthùis Gaito ta un monumento

inskribí dia 21 di febrüari 2005

den e registro di monumentonan protehá konforme artíkulo seis (6)

di e Ordenansa di Monumentonan di Kòrsou (AB 1990 no 5).

Uzo di Sala

E Ofisina Regional ta okupá e di dos piso di e edifisio i ta operá un sentro di rekurso na parti sùit di e promé piso di e lanthùis. Konsiderando e balor arkitektóniko, históriko, kultural i estétiko di e edifisio en kuestion, Union Karibe Hulandes ta invitá komunidat di Kòrsou pa por hasi uzo di e sala prinsipal meimei, e sala di reunion na parti nort i e patio pa aktividatnan sosial entrenamentu, workshop, kasamentu, resepshon, etc.


Informashon Salanan

  • Sala Prinsipal
    – Kapasidat máksimo 75 persona estilo teater
    – Ideal pa kasamentu, resepshon, sena, etc.
  • Sala di Konferensia
    – Kapasidat máksimo 20 persona na mesa forma U
    – Por ubiká 35 persona estilo teater sin mesa
    – Ideal pa reunion chikitu, entrenamentu, sena, etc.
  • Patio
    – Kapasidat máksimo 100 persona riba pia
    – Ideal pa resepshon, reunion / sena den airu liber, aktividat sosial, etc.
  • Konsumo
    – Nos por proveé kuminda i snèk vegetariano, sukulento i saludabel.
  • Pa mas informashon i/òf reservashon fabor tuma kontakto ku nos.

Tuma Kontakto

Laga bo nomber i e mail aki bou huntu ku lokual bo kier hasi den e sekshon di Mensahe. Of yama nos na (599) 9 737-3473
lodo sda church
UNION KARIBE HULANDES 
© 2018 Dutch Caribbean Union of Seventh Day Adventist