Reunion Konstituyente Pendiente

E reunion di konstituyente di Union Karibe Hulandes tabata planiá pa dianan 18 i 19 di mei 2020. Pa motibu di e pandemia COVID-19, nos a keda den kontakto ku atministrashon di Divishon Interamerikano (DIA) pa organisá e reunion riba un otro fecha durante e aña akí mes. Sinembargo, resientemente (karta fechá 2 di yüli 2020) DIA a rekomendá pa kanselá tur enkuentro grandi, espesialmente reunionnan di konstituyente kaminda ta rekerí presensia di personal di Divishon. Esaki ta enserá ku tur seshon di union i kamponan lokal den e di dos mitar di aña 2020 ta posponé. Nos ta keda pendiente i den konsulta ku atministrashon di DIA pa fiha un otro fecha pa e reunion di konstituyente di Union Karibe Hulandes. Nos ta konta ku orashon di nos rumannan na Aruba, Bonaire i Curaçao pa e guia di Señor Hesukristu den e tempu di insertidumbre manera esun ku nos ta bibando aktualmente. Maranata!