Multikultural

Union Karibe Hulandes ta e union mas resien i chikitu na kantidat di miembro den e region di Interamérika. Nos ta sirbi tres isla ku ta representá tres diferente pais ku tres diferente moneda. E pais kaminda e sede di union ta situá konosé tres idioma ofisial, esta ingles, hulandes i papiamentu.

Papiamentu ta e idioma ku mas tantu hende ta papia entre e abitantenan di islanan ABC. E atministrashon aktual di e ofisina regional ta di naturalesa miksto; hulandesoropeo, latinoamerikano i afrokaribense. E direktornan di departamento ta plamá riba tur tres isla. Pues no keda asombrá di mira e rikesa di variedat lingwístiko menshoná anteriormente ekspresá riba e wèpsait akí. E plataforma akí ta un di e vehíkulonan pa medio di kua nos ta komuniká ku un pueblo multikultural i -lingwístiko, por lo tantu por topa ku notisia, artíkulo i komunikado na papiamento di Aruba, papiamentu di Kòrsou, ingles i hulandes. Spañó naturalmente ta ser uzá konsiderablemente.

Si bo topa un teksto na un idioma ku bo no ta dominá, fabor tuma kontakto i nos lo hasi nos máksimo esfuerso pa yuda bo komprondé. No duda pa tuma kontakto ku nos, pasobra nos ta gusta e kontakto bai i bini ku nos oudiensia. Maranata!

Bo por komparti e artikulo

lodo sda church
UNION KARIBE HULANDES 
© 2018 Dutch Caribbean Union of Seventh Day Adventist