Kongreso Mundial Posponé

Awe mainta, djaweps 19 di mart 2020, e hunta direktiva di Iglesia mundial a disidí pa posponé e kongreso mundial di Konferensia General pa próksimo aña di 20 pa 25 di mei 2021. E lugá ta keda meskos, esta, Indianapolis, Indiana, Estádos Unídos. Ademas di kambio di fecha, a disidí pa redusí e kantidat di partisipante. Solamente e delegadonan (ku nan famia) i un kantidat limitá di staf tékniko ta rekerí pa ta presente. E invitadonan spesial lo no ta invitá manera sa ta e kustumber.

Tambe a disidí pa redusí e kantidat di dianan di reunion na 2021. Enbes di dies dia awor lo ta entre kuater i seis dia. Tampoko lo bai tin e eksibishonnan i butnan na e seshon di Konferensia General na 2021. Meskos, lo no tin reunionnan ouksiliar durante e próksimo reunion di konstituyente. E próksimo término lo ta mas kòrtiku komo ku lo mantené e siguiente seshon na aña 2025.

Na nivel regional i lokal, nos ke gradisí e liderazgo di Iglesia na Aruba, Boneiru i Kòrsou pa e uso di medionan sosial pa sigui alimentá Iglesia i proklamá e palabra di Dios apesar di instrukshonnan pa mantené distansia sosial. Nos ke animá nos rumannan pa sigui e sirbishinan i estudio di e Palabra di Dios via e siguiente sitionan:

Aruba: http://youtube.com/misionaruba i http://facebook.com/arubamission

Boneiru: https://www.facebook.com/zonidodisperansa

Kòrsou: https://www.facebook.com/radiosperansacur i

https://www.youtube.com/c/RadioSperansaKorsou

Fabor kompartí e lenknan aki ku otronan, asina Iglesia por sigui fomentá speransa i direkshon na e pueblo di Aruba, Boneiru i Kòrsou.

Maranata!

Bo por komparti e artikulo

Share on facebook
Share on twitter
Share on whatsapp
Share on email
lodo sda church
UNION KARIBE HULANDES 
© 2018 Dutch Caribbean Union of Seventh-day Adventists