Kongreso Mundial Posponé pa di Dos Bia

Djamars 12 di yanüari 2021 hunta direktiva di Iglesia mundial a disidí pa posponé e kongreso mundial di Konferensia General pa di dos bia. E fecha ku a vota e promé bia pa kambi’é tabata 20 pa 25 di mei 2021. E fecha nobo a bira 6 pa 11 di yüni 2022. Lugá di e kongreso ta keda meskos, esta, Indianapolis, Indiana, Estádos Unídos.

Persistensia di e pandemia mortal i global di COVID-19, su impakto riba salú públiko, biahamentu i resepshon di visa internashonal tabata algun di e konsiderashonnan pa a posponé e kongreso un biaha mas. E divishonnan ta liber pa disidí si nan ta bai hasi kambio den nan ekipo di ministerio, servisio i personal.

Laga nos sigui resa pa Dios Su guia den e tempu di insertidumbre akí. Ku iglesia por sigui enfoká riba e mishon pa kua Dios a instituyé.