Gobièrnu ke Habri, Iglesia ke Keda Será

Nos a tuma nota den medionan internashonal ku apesar ku gobièrnu di e estado di Georgia na Merka ke terminá e “shelter in place” awe dia 30 di aprel 2020, dirigentenan di Iglesia Atventista ku ta sirbi e teritorio ku ta inkluí Georgia, ta preferá mantené e edifisionan di iglesia será. E lidernan di Iglesia ta konsiderá ku no ta responsabel pa habri ni edifisionan di nan ofisina pa trabou ni esnan di iglesia pa adorashon. Pasobra nan no ke eksponé nan empleadonan i miembronan di iglesia na peliger di infekshon ku korona vírùs. E siguiente programa di Mundu Atventista lo analisá e desishon akí di iglesia na Georgia. Sigui e programa via nos página di Facebook òf nos kanal di Youtube. Tambe por download un kopia di e presentashon.