Fayesimentu pastor Belioso

Awe, nos ke kumpli ku e tristu deber di anunsiá e fayesimentu di pastor Sixto P. Belioso. Pastor Belioso a sirbi iglesia den Karibe Hulandes pa trintiun aña largu, for di òktober 1972 te ku su hubilashon na òktober di 2003. El a traha tantu na Boneiru komo Kòrsou. Nos ta resa pa Señor por duna forsa i konsuelo na su kasá Marlene, su yunan Jairo i Zahaira, tambe na su ñetunan, famianan i su iglesia. Mientras tantu, nos ta tene na palabranan ku pastor Belioso a yega di prediká, bisando ku lo yega e dia ku: “Lo E seka tur lágrima for di nan wowo, i morto lo no eksistí mas: lo no tin nada di rou, nada di yoramentu, nada di doló mas, pasobra tur kos di ántes a pasa bai” (Revelashon 21: 4).