Famia Ponte ku penshun

Durante e reunion di hunta direktiva di Union Karibe Hulandes, selebrá dia binti kuater di mei dos mil binti, a vota pa aseptá e petishon di pastor Hans Ponte pa bai ku penshun. Pastor Hans i su kasá Annet Ponte – Schouten a bin Kòrsou na kuminsamentu di aña dos mil diessinku kaminda pastor Ponte a kuminsá traha komo sekretario di Asosiashon di Kòrsou i Bonaire. Na luna di mei dos mil diessinku Divishon Inter-amerikano a nombra pastor Ponte komo sekretario di Union Karibe Hulandes. Ruman Annet a sirbi komo direktor di ADRA Karibe Hulandes for di e momentu ku a organisá e unidat Atministrativo di Iglesia Atventista ku ta integrá e islanan di Aruba, Bonaire i Kòrsou. Nos ke yama danki na famia Ponte pa nan kontribushon ku a yuda edifiká iglesia na Karibe Hulandes. Ku Dios por bendishoná famia Ponte segun nan ta hasi e transishon pa kuminsá un kapítulo nobo di nan bida. Na fin di yüni pastor Ponte i Annet ta repatriá pa Hulanda.

Bo por komparti e artikulo

Share on facebook
Share on twitter
Share on whatsapp
Share on email
lodo sda church
UNION KARIBE HULANDES 
© 2018 Dutch Caribbean Union of Seventh-day Adventists