Ensiklopedia Atventista

Iglesia mundial ta den e proseso pa revisá e ensiklopedia Atventista. E último revishon a tuma lugá na aña 1996. E revishonnan ku a tuma lugá despues di e promé edishon ku a keda publiká na aña 1966, te ku awor, no tabata signifikante. E revishon aktual ta un proyekto magno di kual su edishon imprimí lo kontené no ménos ku ocho mil sinkushen artíkulo. E idea ta pa publiká e edishon nobo tambe online ku ta permití tur e posibilidatnan di e era digital. Resientemente, tabatin un workshop, na Miami, kaminda e koordinadornan di e proyekto den e region aki por a haña mas preparashon pa terminá e gran proyekto aki. Ruman Luciano Milliard ta e kordinadó di e proyekto pa e teritorio di Union Karibe Hulandes. E presidentenan di union ku tabata na Miami kaba pa reunionnan di hunta di divishon tambe a keda pa e workshop. Den e ensiklopedia por haña informashon tokante paisnan kaminda iglesia ta establesé, skol, kas di publikashon, hòspital i otro institushonnan, tambe tokante biografia i evento. Ta un proyekto di suma importansia pa Iglesia konsiderando ku Dios “a manda nos grandinan pa nan siña nan yunan esei, pa e generashon benidero tambe sa, e yunan ku lo nase despues, i na nan turno nan lo konta nan yunan, pa nan tambe konfia den SEÑOR, no lubidá Dios su obranan grandi, sino mas bien opservá su mandamentunan” (Salmo 78: 5 – 7).

Bo por komparti e artikulo

Share on facebook
Share on twitter
Share on whatsapp
Share on email
lodo sda church
UNION KARIBE HULANDES 
© 2018 Dutch Caribbean Union of Seventh-day Adventists