Beibel di Estudio na Papiamentu

Djasabra dia 26 di yanüari 2019 nos tabatin e honor, na nòmber di Iglesia, di risibí un ehemplar di e Beibel di estudio na Papiamentu. Nos ta rekonosé ku publikashon di e Beibel aki ta nifiká un vishon kla, trabou duru, perseveransia i fe den e Dios ku a move riba e eskritornan di e bukinan di Beibel. Nos a komprondé ku ta e promé Beibel di estudio ku a keda publiká na un idioma krioyo. Pa tal rason tambe nos ta regosihá huntu ku Sosiedat di Beibel den Karibe Hulandes i bisa gloria na Dios.

Na nòmber di Iglesia Atventista nos kier gradisí pa e trabou ku Sosiedat di Beibel a bin ta realisá i e kontribushon ku su esfuerso ta duna na e pueblonan di Aruba, Bonaire i Curaçao en general i nos komunidat di fe en partikular.

Nos ta risibí e Beibel ku alegria i ta asept’é komo un reto pa sigui sembra e Palabra di Dios ku mas ánimo asina por yuda den edifikashon di nos nashon.

Potrèt: Vigilante 29 yanüari 2019

Bo por komparti e artikulo

Share on facebook
Share on twitter
Share on whatsapp
Share on email
lodo sda church
UNION KARIBE HULANDES 
© 2018 Dutch Caribbean Union of Seventh-day Adventists