Apertura Ofisina Regional Iglesia Atventista

Djadumingu 26 novèmber 2017 tabatin apertura di e ofisina regional di Iglesia Atventista na Aruba, Bonaire i Curaçao. Entre esnan presente tabata Sra. Susanne Camelia-Römer Minister di Salubridat Públiko, Medio Ambiente i Naturalesa, Pastor Israel Leito, Presidente di Asosiashon General di Iglesianan Atventista di shete dia – Divishon Inter-amerikano i ir. Jonathan Jukema, Direktor Stichting Monumentenfonds Curaçao kende tabata esnan ku a kòrta e sinta pa drenta e ofisina ku ta situá den Lanthùis Gaito na Scalaweg 7.

For di yüni 2013 e Lanthùis tabata inhabitá despues ku un kandela a fòrsa evakuashon di ofisina di Iglesia Atventista na Kòrsou e tempu ei. Na yüni di 2015 tabatin un restrukturashon den e organisashon di Iglesia Atventista riba e islanan ABC i a opta pa hasi e Lanthùis komo e sede pa e ofisina regional. Despues di a terminá e trabounan di renobashon e ofisina lo dirigí e mishon di e iglesia ku tin tres (3) libreria, kuarenta i sinku (45) kongregashon, tres (3) skol di fundeshi, un kleuter school, hòspital Atventista na Groot Davelaar i Damacor, i tres agensia di alivio i desaroyo.

Aprel e aña aki, a kumpli 90 aña ku Iglesia Atventista a keda establesé na Kòrsou pa sirbi e komunidat riba di nos isleño. Den kuadro di esei lo tin un Dia Habrí djadumingu 3 di desèmber 2017 di 9:00am pa 5:00pm na Lanthùis Gaito. Lo tin oportunidat di mira e Lanthùis renobá, disfrutá di ambiente ku músika, kuminda sukulento i saludabel, konseho di dietista, aktividat pa mucha, etc.

Bo por komparti e artikulo

Share on facebook
Share on twitter
Share on whatsapp
Share on email
lodo sda church
UNION KARIBE HULANDES 
© 2018 Dutch Caribbean Union of Seventh-day Adventists