Iglesia Mundial ta Rekonosé Sirbishi Pareha Israel i Ludmila Leito

Dia 14 di òktober, durante e reunionnan di Konsilio Anual di Asosiashon General ku a tuma lugá na Battle Creek, Michigan, liderazgo di Iglesia mundial a rekonosé e sirbishi i liderazgo di Pareha Israel i Ludmila Leito. Pastor Ted Wilson, presidente di Iglesia mundial a remarká ku ta trata di un kuart siglo (25 aña) ku nos yu di tera a sirbi komo presidente  di e region Inter-amerikano di Asosiashon General di Iglesia Atventista di Shete-dia.

Señor a bendishoná e liderazgo di famia Leito den gran manera. Iglesia mundial por a registrá un kresementu notabel durante e liderazgo di Pastor Leito. Pa menshoná algun indikadó, tabatin 11 union na 1993 i por a registrá 24 na 2018. E kantidat di iglesianan a oumentá 4.6 bia entre 1993 i 2018. E kantidat di membresia tambe a multipliká 2.73 biaha durante e último 25 añanan. Nos kier duna Dios honra, gloria i gratitut pa e manera ku El a uza nos rumannan pa duna un kontribushon notabel pa ekspanshon di Su reino riba tera.

Bo por komparti e artikulo

lodo sda church
UNION KARIBE HULANDES 
© 2018 Dutch Caribbean Union of Seventh Day Adventist