KEN NOS TA
KREENSIANAN, HISTORIA, ORGANISASHON, IDENTIDAT
Iglesia Atventista di Shete Dia ta mira su mes komo e Iglesia remanente di fin di tempu den profesia di Beibel. Miembronan di iglesia, individual i kolektivamente, ta komprondé nan ròl spesial komo embahadornan di e reino di Dios i mensaheronan di e pronto regreso di Hesukristu. Atventistanan di Shete Dia a pone nan mes riba e lista komo kolaboradónan ku Dios den Su mishon pa gana mundu bèk for di e poder i presensia di maldat, komo parti di e Gran Kontroversia entre Kristu i Satanas. P’esei, kada aspekto di e bida di e miembro di Iglesia ta keda influensiá pa e konvikshon ku nos ta biba den e lastu dianan deskribí den profesia di Beibel i e regreso di Hesukristu ta eminente. Dios a yama Atventistanan di Shete Dia pa biba den e mundu akí i ta pesei tur akshon di e bida Kristian ta hasí “den e nòmber di Hesus” i pa avanse di Su reino.
Iglesia Atventista ta un iglesia kristian ku un miembresia di mas ku 20 mion den práktikamente tur pais rònt mundu. Nos mishon ta pa kumpli ku e mandato bíbliko ku Hesus a duna den Mateo 28: 19, 20.
Atventistanan tin e Beibel komo nan úniko regla di fe i speransa i ta e fuente di tur kreensia ku ta dirigí nan bida. Sola Scriptura ta resultado di nan konvikshon.
E historia di atventismo den e parti di mundu akí, spesialmente den e teritorio di Aruba, Boneiru i Kòrsou, a kuminsá na aña 1924 kaminda mishoneronan a yega for di Venezuela na nos islanan ku un mensahe speshal.
Iglesia Atventista ku sede na Estádos Unídos di Amérika, ta un iglesia mundial repartí den diferente área geográfiko yamá Divishon. Kada Divishon ta responsabel pa e trabou di predikashon di e evangelio den su área.
Atventistanan tin e Beibel komo nan úniko regla di fe i speransa i ta e fuente di tur kreensia ku ta dirigí nan bida. Sola Scriptura ta resultado di nan konvikshon.
