IDENTIDAT KORPORATIVO
UN FE I UN SPERANSA
Nos ta un iglesia mundial ku presensia den práktikamente tur pais. Nos ta konsistí di personanan di diferente komunidat, rasa, koló, kultura i idioma. Apesar di tur e diferensianan akí, tòg nos tin kosnan komun. Nos tur ta sirbi e mesun Dios Kreador ku a krea tur kos den 6 dia i a sosegá riba e di shete dia kual ta e Sabat. Banda di esaki nos tur ta sperando riba i trahando pa e pronto binida di nos Señor Hesukristu dor di prediká e evangelio eterno na unda parti ku nos ta. Esaki ta nos identidat real.
E NIFIKASHON DI E LOGO
E logo ta representá e balornan prinsipal di iglesia Atventista di Shete Dia.
E Segundo Binida
E liñanan na e tòp di e diseño ta sugerí elevashon ku ta simbolisá e resurekshon i asenshon na shelu i Kristu su segundo binida, e ultimo foko di nos fe.
E Vlam
Eaki ta e patronchi formá pa tres liñanan ku ta sirkulá un globo simulá. E liñanan ta representá e tres angelnan di Revelashon 14 sirkulando e globo i nos mishon pa hiba e evangelio na henter mundu. E figura kompletu ta forma un vlam simbolisando Spiritu Santu.
E Krus
E simbolo di e krus, ku ta representá e evangelio di salbashon, ta posishoná den e sentro di e diseño pa enfatisá Kristu Su sakrifisio, kual ta e tema sentral di e fe Atventista.
E Beibel Habrí
E Beibel ta forma e base di e diseño i ta representá e fundeshi Bíbliko di nos kreensianan. E ta keda presentá den un posishon kompletamente habrí kual ta sugerí un aseptashon kompletu di e Palabra di Dios.
