Maneho di tempu 

Bo tambe ta sinti manera ku ora, dia, siman, asta aña ta pasa un bes? Komo sifuera 24 ora no ta sufisiente pa bo logra hasi tur loke bo a plania pa hasi? E artíkulo akí lo trata netamente e tópiko akí: maneho di tempu. Algu aplikabel den un periodo ku tur kos ta move rápido.

Promé ku tur kos ta relevante pa sa kiko ta maneho di tempu. Simpel bisá maneho di tempu ta “mihó uso di tempu”. Na momentu ku un persona hasi mihó uso di su tempu, na promé lugá, lo e logra mas tantu, i, na di dos lugá, lo e sinti mas goso. Pa un persona por logra e mester sa kiko e ke i despues e mester dediká tempu sufisiente pa logra esaki. Di otro banda, pa bo eksperensiá plaser, bo mester sa kiko bo gusta anto dediká tempu na e loke bo ta gusta akí (Croft, 1996). Aki ta kaminda mayoria hende ta faya: stipulá kiko nan ke, kiko nan gusta i dediká tempu na logra nan meta. Ora ta trata maneho di tempu, e komponente di mas importante ta plania.

Na kontinuashon nos ta bai para ketu riba algun punto ku bo por para ketu na dje ora ta plania. Tin muchu mas kos ku un persona por hasi, nos lo usa e rekomendashon di Samsom i Daft (2015).

  1. Traha un lista di kos pa hasi.
    Sinta i analisá kiko ta tur e kosnan ku bo mester hasi. Djei traha un lista di esakinan. Ta kreativo, usa papel òf pèn di koló, steft, steker, enfin, algu ku lo laga e lista mustra atraktivo.
  2. Kòrda riba un ABC.
    Esaki lo yuda bo pa pone prioridat; kiko ta paresé te ariba riba bo lista i kiko lo bai te abou.

    A – esaki ta di sumo importansia. Si bo no kumpli ku e tarea akí, lo tin konsekuensianan serio.

    B – bo mester hasié, pero e konsekuensianan lo ta di menor gravedat.

    C – lo ta bon pa hasi e tarea akí, pero si bo no kumpli ku nan, lo no tin konsekuensia.

    D – bo por delegá e trabou akí na un otro persona.  Esaki lo yuda bo pa pone prioridat; kiko ta paresé te ariba riba bo lista i kiko lo bai te abou.

  3. Dediká un momentu kada dia pa revisá e dia i plania pa e siguiente dia. Esaki lo yuda bo pa pone prioridat; kiko ta paresé te ariba riba bo lista i kiko lo bai te abou. 
    Dediká 10-15 minüt kada anochi pa evaluá kon e dia a bai i plania pa e siguiente dia. Algu eksperto ta proponé ku kada minüt dediká na planiashon ta kita 10 minüt for di ehekushon 
  4. Stap pa stapdediká tempu na un kos so. 
    Siglo bintiun su lema ta “hasi multiple trabou pareu”. Pero demasiado trabou pareu ta perdida di tempu. E abilidat pa konsentrá riba un trabou ta spar tempu. Duna kada tarea bo atenshon kompletu i lo bo hasi mas i duna mihó resultado tame.

Si e artíkulo akí a yuda bo òf bo tin un otro método di plania ku lo por yuda otro hende, kompartí esaki ku nos! Si bo ta lucha pa por manehá bo tempu, hasi orashon i pidi Dios yuda bo logra esaki.

 

Referensia

Croft, C. (1996). Time Management. Kroasia: International Thomson Business Press.

Samsom, D., Daft , R. (2015). Fundamentals of Management. Florida: Dryden Press.

Bo por komparti e artikulo

lodo sda church
UNION KARIBE HULANDES 
© 2018 Dutch Caribbean Union of Seventh Day Adventist