Embahador di Hesus

Departamento di Edukashon di Mishon Bonaire a selebrá dia 8 i 9 di febrüari dos dia di énfasis riba edukashon atventista. E programa a inisiá djabièrnè anochi ku konsagrashon di e maestronan. E invitado di honor pa e dos dianan akí, dr. Faye Patterson, direktor asosiá di Departamento di Edukashon di Divishon Interamérika (DIA) a hiba palabra. El a pone énfasis riba e maestro atventista komo embahador di Hesus na e skol kaminda e ta laborá.

Riba e Sabat mainta dr. Patterson a tira lus riba e importansia di un skol atventista den e komunidat kaminda tin iglesia atventista. Den palabranan di dr. Patterson “un maestro por influensiá un mucha su futuro pa mihó òf pa pió.” E enkuentro a terminá Sabat atardi na iglesia Rincon ku un programa kombiná. Na e okashon akí Departamento di Edukashon a papia tokante edukashon atventista i a hasi promoshon pa mas studiante asistí universidat atventista den e region. Alabes Departamento di Salú su invitado Gerardo Chacín gerente di Icolpan Medellín, Colombia, a promové e programa “Mi Kier Biba Sano.”

Riba e foto di grupo (di robes pa drechi) ps. Shurandy Selassa, presidente Mishon Bonaire, dr. Faye Patterson (DIA), Alvienne Elizabeth, direktor Departamento di Edukashon di Union Karibe Hulandes i finalmente Gerardo Chacín, direktor di Icolpan Medellín.

Foto kortesia di Jeanomar Elizabeth.

Bo por komparti e artikulo

Share on facebook
Share on twitter
Share on whatsapp
Share on email
lodo sda church
UNION KARIBE HULANDES 
© 2018 Dutch Caribbean Union of Seventh Day Adventist