Sabat Skol

Un teologia di Sabat Skol ta identifiká i splika e suposishon ku ta apoyá e skol mas bieu den Iglesia Atventista. Dios ta e Fuente di tur konosementu ku ta apoyá tur e funshonnan di Sabat Skol. Pablo ta argumentá ku “pa medio di dje tur kos a ser kreá…” (Kolosensenan 1:!6). Dios no solamente a krea tur kos, E ta e Uniko ku ta kapas pa transformá e kurason humano. Dios ta deklará den Ezekiel 36:26 “Lo mi duna bo un kurason nobo i lo mi pone mi Spiritu den bo.”

Ellen G. White ta bisa den poko palabra “Kristu ta e úniko Fuente di kada impulso korekto. Kristu ta e úniko ser kende por implantá enemistat kontra piká den e kurason” (Kaminda na Kristu, p. 26). Esaki ta e dos fundamentunan mayó di Beibel ku ta apoyá Sabat Skol. E Dios kende ta e Fuente di tur konosementu ta transformá bidanan pa medio di e poder di e Spiritu Santu ku ta habitá internamente.