Menu
Keda pendiente pa rekursonan pa Orashon
Shiraldin Kook
DIREKTOR MINISTERIO DI ORASHON
Orashon ta un akto simpel di hiba un kombersashon ku Dios. Orashon ta papia ku e Esun ku a krea Universo.
Sea ta na bos haltu òf den pensamentu, durante momentonan spesial òf komun i koriente, sea ku nos ta lantá òf riba nos kama. Orashon ta un priviligio ku e yunan di Dios tin; esta di tin un konekshon direkto ku Dios.
“Orashon ta move e mannan ku ta move e mundu.”
“Un hende sin orashon ta manera un para sin hala ku no por bula bai for di su enemigunan.”
Eksperensia i estudio ta mustra ku:
- Orashon ta mehorá nos kalidat di bida.
- Orashon tin poder pa kura. Sientífikonan ta bisa ku interakshon ku Dios pa medio di orashon ta duna nos e abilidat pa manehá nos emoshonnan negativo mihó.
- Orashon ta redusí nos agreshon kontra di otronan.
E Ministerio akí ta kurashá, entrená i animá kada persona pa desaroyá un relashon ku E Kreador pa medio di orashon.
