Simposio Libertat Di Religion Di Karibe

Dianan 15 pa 17 di novèmber 2017 Pastor Shurman Kook tabatin e honor di a representá pais Kòrsou komo panelista den un simposio di Libertat di Religion di Karibe. E simposio a tuma lugá na Puntificia Universidad Católica Madre y Maestra na Sto. Domingo, Republica Dominicana. E tema di e simposio tabata “Libertat di Religion i Desaroyo Ekonomiko.” Pastor Kook a partisipá den e panel ku a presentá i diskutí e tema “E Ròl di e Estado den Protekshon di Libertat di Religion.” Entre esnan ku a partisipá den e panel enkuestion huntu ku Pastor Kook tabata Honorabel Promé Dama di Republika di Guyana, Su Ekselensia Sra. Sandra Granger.