Shete Aña Kòrsou Outonomo Den Reino

Dia 10 di oktober 2017 den kuadro di selebrashon di shete (7) aña Kòrsou outonomo den reino, gobiernu di Kòrsou a organisá un sirbishi inter-religioso riba e plenchi di Fòrti. Tabata e promé sirbishi di tal indole i a toka Iglesia Atventista pa trese e meditashon na e okashon aki. E tema tabata “Unidat den Diversidat.” Entre esnan presente tabata gobernadó di Kòrsou, minister president di Kòrsou i su gabinete, algun miembro di parlamentu di Kòrsou. Despues ku representatenan di varios gruponan religioso a hiba palabra kòrtiku na e oudiensia, Pastor Shurman Kook, presidente di Iglesia Atventista na Aruba, Bonaire i Kòrsou a trese e meditashon. Riba e pagina di Facebook di gobiernu di Kòrsou por mira un grabashon di e sirbishi kompletu.