Muhé Ku Dos Pia Amputá Ta Bai Kompetí Den Maratòn Binidero Na New York

E atleta di Brasil Adriele Silva, 31, ta mira pa dilanti pa krusa e liña final na 26.2 mia di e di TCS New York City Marathon 2018, dia 4 di novèmber. “The New York Road Runners”, kendenan a bin ta organisá e kareda for di 1970, ta kere ku ta e promé dama ku dos pia amputá ku lo kore e “New York City Full Marathon”.

“Mi ta spera di inspirá hendenan ora nan mira mi kore i lo desafiá nan pa bai tras di kosnan ku ta parse di ta imposibel,” Silva a bisa, kende lo ta koriendo su di promé maratòn kompletu. “Di kaminda mi a bini, hopi biaha hende ta mira bo ku menospresio pa motibu di bo desabilidat, pero ami no ta laga esaki molestia mi. Ora mi enfrentá un desafío, mi ta buska maneranan pa vens’é. Mi ta mira e posibilidatnan i esaki ta hasi mi sigui.”

Silva lo kore komo un embahador pa Konekshon ADRA, un programa boluntario manehá pa e organisashon global di karidat Agensia pa Desaroyo di Rekurso Atventista (ADRA), i tambe e lo ta sostené pa e kompania merikano di materialnan di deporte di aire liber, The North Face.

“Nos ta sumamente orguyoso di por sostené Adriele den e kareda akí, pasobra e ta personifiká e kompromiso di ADRA pa fortifiká individuonan rònt mundu pa nan tin un mihó bida i proveé oportunidatnan nobo pa komunidatnan ku no tin rekurso, asina nan por prosperá,” asina Adam Wamack, di Konekshon ADRA a bisa. “Pa medio di e Ekipo Konekshon ADRA nos kier enkurashá otro atleta i deportistanan pashoná pa usa deporte pa hasi bon i invitá otronan pa ta generoso asina ku hopi famia vulnerabel por tin mihó akseso ba skol i kasnan drechá, awa limpi, i otro nesesidatnan krítiko.”

Bo por komparti e artikulo

Share on facebook
Share on twitter
Share on whatsapp
Share on email
lodo sda church
UNION KARIBE HULANDES 
© 2018 Dutch Caribbean Union of Seventh-day Adventists